ENTREGA DE PREMIOS DO CONCURSO LETRAS GALEGAS 2022.

Este mesmo día, tamén na Biblioteca, realizamos a entrega dos premios do Concurso Letras Galegas 2022 nas modalidades de poesía, narrativa e deseño de selo ex´-libris. 

Parabéns aos premiados e premiadas e a todos e todas cantos participastes! 💙🤍

PREMIADAS E PREMIADOS NO CONCURSO LITERARIO LETRAS GALEGAS 2022

Coma sempre é para nós un pracer comunicarvos as gañadoras e gañadores do Concurso Literario Letras Galegas 2022! 🏅🥉🥈🥇

NARRATIVA 1º CICLO ESO

1º Premio. Aitana Sofía Sastre Pineda

2º Premio: Darío Icardo Carballo.

POESÍA 1º CICLO ESO

1º Premio. Sophia Duarte Rodríguez

2º Premio. Hiba Rochdi

Accésit. Ashley Polanco Canario.

NARRATIVA 2º CICLO ESO

1º Premio. Rosalía Bernárdez Riopedre.

2º Premio. Martín Penas Rodríguez

Accésit. Noa Rodríguez Carballeira.

A entrega dos premios do Concurso Literario e do Concurso de Deseño de Selos ex-libris terá lugar o venres 17 de xuño á hora do recreo na Biblioteca.

Parabéns aos gañadores e gañadoras e grazas a todos/as os/as participantes!!!💙

CONCURSOS LETRAS GALEGAS 2022

 

Como cada ano convocamos o Concurso Literario das Letras Galegas. Hai dúas modalidades: relato curto e poesía e o tema, inspiráronnos estes días, "O meu verán". Que vos parece?
Os premios serán outorgados por ciclos educativos:
- 1° ciclo de ESO. 1° e 2° premio por cada modalidade.
-2° ciclo de ESO. 1° e 2° premio por cada modalidade.
-Bacharelato. 1 premio.
Se os/as integrantes do xurado o consideran, entregaranse tamén accésits:  Sempre acabamos concedendo algúns

Tedes que enviar os vosos traballos en arquivo a este enderezo electrónico co voso nome e curso: eunfalar@gmail.com. No asunto poñedes "Concurso 2022"

A data límite para enviardes as vosas creacións é o 23 de maio.

Animádevos a nos falar do voso verán!

E para os/as artistas🎨 propoñémosvos deseñar un selo para decorar o libros en lingua galega do noso centro. Soamente ten que aparecer como texto: Letras Galegas IES Leiras Pulpeiro. O motivo tería que estar relacionado coa escritura e a literatura. Seguro que se vos ocorren ideas xeniais! 

Haberá un único premio para o autor o autora do selo elixido e tamé accésits se o xurado considera que hai máis traballos de calidade (non o dubidamos⌣..)

Encargaremos selos do deseño gañador e un deles irá para o seu autor ou autora. 

Xa estades tardando!☝

UN ALUMNO E UNHA ALUMNA DO NOSO CENTRO, FINALISTAS DE #LinguaDeNamorar!

Unha alumna e un alumno de 4º de ESO do noso centro son dous dos seis finalistas do Concurso de mensaxes de amor #LinguaDeNamorar, que organiza cada ano Xuventude e a SXPL. Este ano tivemos unha nova modalidade de concurso envíando as mensaxes vía Instagram. Esta fin de semana levamos a sorpresa ao saber que as mensaxes de Noa e Román forman parte das finalistas!👏👏👏👏. Como coas Tanxugueiras, agora tócalle ao público votar pola mensaxe vencedora. Nós xa o fixemos! Se queredes que gañe algún dos dous alumnos nosos, entrade en Instagram en @xuventudegalicia, dádelle un 💓ás fermosas mensaxes  de @fillogas_ ou a @nooarc_ Tedes até o 8 de abril inclusive! 

 

CONCURSO COCA COLA 2022

Hoxe, 10 de marzo, tivo lugar de xeito simultáneo en toda Galicia, o Concurso de Relatos Novos Talentos Coca Cola, destinado ao alumnado de 2º de ESO. No noso centro participaron 11 alumnos e alumnas. Partindo dun estímulo creativo💡🤔🖋, neste caso unha fermosa ilustración, inspirada nun dos relatos colectivos que participaron no concurso previo (enviamos tamén dous relatos dende o noso IES), as nosas literatas e literatos tiveron dúas horas para crear unha historia fantástica ambientada nun futuro con ambiente apocalíptico🧟😱💀 Seguro que saíron cousas xeniais.  

Non esquezades que o ano pasado unha alumna do Leiras resultara gañadora provincial!✌✌

Moitas grazas por participardes, rapaces, e moita sorte!!🍀🍀🍀

DOBRE GAÑADORA DO CERTAME DE CONTOS E RELATOS CURTOS TRAPERO PARDO!

Encetamos a semana cunha boísima nova. A alumna de 4º de ESO Rosalía Bernárdez Riopedre resultou gañadora na súa categoría do 27 CERTAME DE CONTOS E RELATOS CURTOS TRAPERO PARDO por segunda vez! 👏👏👏 Rosalía (ese nomeee🤔🤔) conseguira o 1º premio hai dous anos. 

Moitos parabéns, Rosalía! Tes sitio na casa para tantos premios literarios? Toda unha honra para o noso centro ter alumnado tan talentoso.

CONCURSO DE MICRORRELATO COLECTIVO COCA-COLA NOVOS TALENTOS.

Os alumnos e alumnas de 2º de ESO C e D presentaron dous microrrelatos colectivos, un por grupo, ambientados no futuro, a partir do 2050 😦. Así llelo pedían as bases do concurso Coca Cola Novos Talentos. O relato non podía exceder as 300 palabras e  tiñan que facelo por equipos. Imaxinade, un microrrelato por equipos, todo un reto de imaxinación e de organización!💡🖋😑💭 E saíron, e ben divertidos!

O microrrelato selecciónado inspirará a un ilustrador ou ilustradora🎨 para debuxar o estímulo creativo desta edición do concurso. Nós xa nos apuntamos ao aperitivo, a ver se se animan a continuar...

Saia ou non saia elixido un dos dous relatos, foi toda unha experiencia literaria e creativa. Bo traballo, rapaces!👌 A ver se hai sorte🍀

ENTREGA DOS PREMIOS ÁS GAÑADORAS DO CERTAME #MICRORRELATAS

 

Onte, 30 de decembro, tivo lugar no Ágora de A Coruña o acto de entrega dos premios ás gañadoras do certame #Microrrelatas, nin máis nin menos que catro alumnas do Leiras Pulpeiro. Todo un orgullo rematarmos o 2021 con novas coma esta! Grazas á xentileza de Eva, ex-profesora de Lingua Castelá no noso centro e gañadora dun premio na súa categoría, temos fotos do evento. Parabéns, rapazas👏👏👏 e Feliz e Ventureiro 2022 a todos e todas.💙📆🗓

PLENO NAS #MICRORRELATAS!

Superfelices de que outra alumna do Leiras sexa a nova gañadora da cuarta e derradeira quenda de #MicrorrelatAs. Temos de novo unha inquietante microhistoria, ideal para estes días de Samaín e Defuntos 👻💀🎃. A autora: Noa Rodríguez Carballeira, de 4º de ESO. Menuda canteira de raparigas escritoras! Bravo, Noa, Iria, Adriana e Rosalía, a festexar o voso pleno 🂡🂱🃑🃁 nas MicrorrelatAs!!

E que gocedes todos e todas co relato de Noa!

DERRADEIRA QUENDA DAS #MICRORRELATAS

 

Con tanta lata habemos de montar unha tenda de comestibles😂 Esta semana é a cuarta e derradeira quenda do concurso #Microrrelatas organizado por Normalización Lingüística do Concello de A Coruña. Tras os éxitos de tres alumnas nosas nas anteriores quendas, sería ben repetir outro/a gañador/a como broche final, non si?😊

Pois ben, estas son as palabras latosas, tomade nota!📝

• Menores de 18 anos: larpeirada😋🍩, estudo📖📚, produto, nai👶
• Maiores de 18 anos: penico, romance💕, traballo, destrución☇

Moita sorte, a por todas!!🍀💪

TRIPLETE DE GAÑADORAS! #MicrorrelatAs

 

A alumna de 4º de ESO Adriana Fernández Pazó resultou gañadora🏆 na terceira quenda do certame #MicrorrelatAs co seu fantástico e agoniante "Quero escapar deste traxe laranxa"😱. Recordade que Iria Burgo e Rosalía Bernárdez Riopedre gañaron nas quendas anteriores. Queda a da semana que vén... Faremos "cuadriplete"?🔢

Estamos moi felices de ver tanto talento literario en lingua galega no IES Leiras Pulpeiro porque sabemos que houbo máis microrrelatos moi bos que foron ao concurso📝💭

Abaixo podedes ler o microrrelato de Adriana. Moitos parabéns á gañadora!👏👏

3ª QUENDA DO CONCURSO #MICRORRELATAS

 

Despois dos éxitos das dúas anteriores semanas ✌🏆, queremos máis! Velaquí vos van as palabras máxicas desta semana para creardes as #MicrorrelatAs. Propoñemos as dúas categorías e así vos animades máis xente😊:

• Menores de 18 anos: xanela, abafar😪, crecho, arela.
• Maiores de 18 anos: proído, siringa, angueira, perigo⚠ (non o hai por escribir😉)

Lembrade, tedes até o venres ás 14h. e non poden participar as gañadoras das anteriores edicións. Adiante, microrrelateiras/os!🏁

OUTRA ALUMNA DO LEIRAS, GAÑADORA DA 2ª QUENDA DO CONCURSO #MICRORRELATAS

E van dúas! A autora do microrrrelato vencedor chámase Rosalía e fala dunha "negra sombra", mais non, non é Rosalía de Castro👤, senón Rosalía Bernárdez Riopedre, alumna de 4º de ESO. Publicamos o seu  inquietante texto titulado "Sombras". Parabéns, Rosalía!👏👏👏👏  

SOMBRAS

Camiñaba pola rúa. Apurando os pasos imprecisos, atravesei o centro de Lugo, agardando o primeiro resplandor da treboada. Onda a muralla, o vento xeado golpeaba o abrigo vello, livián, de remendado chafalleiro; a lúa asubiaba o meu nome. Un brillo afastado atraera a miña vista, andei amodo, coas cóxegas incesantes acariñando as miñas costas. Noite de defuntos, rúas espidas, ceo nú, estrelas amortuxadas. A cacharela refulxía, achegueime, a miña sombra negra avanzou máis veloz sobre a pedra rugosa do groso muro, bailando ao compás do reflexos baleiros das laparadas. Notei o golpe seco, osbre a testa. As pingas de auga caían con forza, precipitábanse sobre o mundo real, mortal, tanxible. Esfumouse a cacharela, detiven o movemento, a miña sombra, pola contra, seguía danzando, xunto aos longos filamentos, vestixios do lume esvaecido.

CONVOCATORIA DO 27 CERTAME DE CONTOS E RELATOS CURTOS TRAPERO PARDO

 Hai dous anos unha alumna do Leiras, Rosalía (inspirará o nome?😉), gañou o 1º premio na súa categoría 🏆 

Non é unha indirecta, eh😁... Como ben sabemos que rulan polo noso centro moitos escritores e escritoras talentosos, animámosvos a que participedes no 27 CERTAME DE CONTOS E RELATOS CURTOS TRAPERO PARDO, convocado polo Concello de Lugo. 

Tamén as tedes no noso Instagram. @leirantes.

O certame ofrece 3 premios dotados de 200, 100 e 70 euros para os traballos realizados polos mozos de 12 a 14 anos e de 250, 130 e 100 euros para os de 15 a 18 anos💰🤑. Os gañadores tamén recibirán un diploma e un lote de libros📘📙📚.

Velaquí abaixo tedes as bases. Xa nos tardan as vosas creacións!

CONCURSO DE MicrorrelatAs NO MES DAS ESCRITORAS

 

A que non sabiades que outubro é o Mes das Escritoras? 👩👵👧📝📚Nós tampouco. Por ese motivo ímosvos dar a lata  para que participedes no Certame SNL de Microrrelato en Feminino #MicrorrelatAs. Cada semana lanzarán catro palabras en feminino e vós tedes que enviar os microrrelatos a este correo inscricionlingua@coruna.gal.

Velaquí as bases:👇👇

• Hai dúas categorías: até 18 anos e maiores de 18. Asinarase o relato co nome, apelidos e idade.
• O concurso comezará o 4 de outubro e rematará o 29 de outubro. Faranse catro quendas semanais nas que o luns publicarán as palabras para incorporar. Seleccionarán o microrrelato gañador os venres a partir das 14h.
• Os textos serán en lingua galega.
• Só se poderá participar cun texto cada semana.
• A persoa gañadora unha semana non poderá seguir participando nas seguintes.
• O texto terá un máximo de 10 liñas escrito en letra ARIAL 12. Deberá conter polo menos dúas das catro palabras que se lancen cada semana.
• O xurado terá en conta a orixinalidade, a concisión, a forma do relato, así como a corrección gramatical e ortográfica.
• Os microrrelatos serán publicados nas redes (Facebook e Instagram) de Normalización do Concello de A Coruña, segundo os vaian recibindo.
• O premio consistirá nun lote de libros e produtos culturais.
• Se a situación sanitaria o permite a entrega realizarase de xeito presencial.
• Se o xurado o considera, poderanse conceder un ou varios accésits.

Así que xa sabedes, dádeslles a lata cos MicrorrelatAs!

UNHA ALUMNA DO LEIRAS PULPEIRO, GAÑADORA PROVINCIAL DO 3º PREMIO COCA-COLA DE NOVOS TALENTOS

Hoxe venres temos outra boa nova que festexar👏👏👏🎉🎉: dos 316 relatos presentados, a alumna de 3º de ESO, Adriana Fernández Pazó resultou gañadora provincial do 3º premio do Concurso Coca-Cola Novos Talentos de Relato Curto! 

A gala de entrega tivo lugar ás 11h da mañá.... na aula de Informática 2, porque ben sabedes que este ano as cousas teñen que ser así, a distancia, mais pasamos os mesmos nervios e emoción que coma se fose presencial.😌😂😵😰

Bravo, Adriana, sigue escribindo e bravo, os demais alumnos e alumnas do noso centro que participaron. Xa oístes ben á organizadora, levoulles moito traballo decidirse pola boa calidade dos relatos. 👌👍👍

ENTREGA DE PREMIOS DO CONCURSO LITERARIO LETRAS GALEGAS 2021

22 alumnas e alumnos do noso centro recolleron 22 agasallos na entrega de premios do Concurso Literario Letras Galegas 2021. Tiñamos 3 categorías por ciclo da ESO e Bacharelato: poesía, narrativa e vídeo-poemas de Xela Arias con 2 premios para cada unha. En total teriamos que repartir 12 premios pero como as cousas que nos mandaron nos gustaron tanto tivemos que conceder varios accésits. Nós, encantadas e orgullosas de facelo e de ver o noso alumnado creando en lingua galega.😊😊😊

Velaquí a relación dos nosos escritores e escritoras premiados🏆🏆🏆:

1º Ciclo ESO. 

• Poesía. 1º Premio: Sabela Barreiro Pérez, 2º Premio: Paula Núñez Ramírez. Accésit:  Noa Pajón Real.
• Narrativa. 1ºPremio: Nuria Ledo Rodríguez, 2º Premio: Rubén Varela Rey. Accésits: Carmen Lian Rego Iglesia, Uxío Pita Bruzos, Samuel Manín García, Yaiza Sixto Fernández.
• Vídeo-poema Xela Arias. Accésit: Sara Nogueras Porto.

2º Ciclo ESO.

• Poesía. 1º Premio: Adrián García Rico, 2º Premio: Gabriel Valoría Figueroa, Accésits: Ignacio Illán Sastre, Aitor Teijido Coira, Marina Gómez Ibaseta.
• Narrativa. 1º Premio: Rosalía Bernárdez Riopedre, 2º Premio: Noa Rodríguez Carballeira, Accésits: Adriana Fernández Pazó, Sergio Navia Costa, Eva Díaz García.
• Vídeo-poema Xela Arias. Accésits: Andrés Martín Reija, Jarno Pousada Troitiño.

Moitísimos parabéns!👏👏👏👏

CONCURSO LITERARIO LETRAS GALEGAS 2021

O ano pasado o confinamento impediunos organizalo. Este ano non o imos permitir e convocamos o Concurso Literario Letras Galegas 2021 en tres modalidades: poesía, relato curto e vídeo-poemas. Os cartaces xa andan desde hai días polas aulas do centro e pola aula virtual, así a todo queremos precisar unha miguiña máis as bases:

• Poderase participar nos tres concursos á vez
• O tema proposto para o relato curto e o poema é "Viaxo ao futuro"
• A extensión máxima do relato serán 2 folios por unha soa cara.
• A extensión máxima do poema será até 24 versos.
• O vídeo terá que ser unha versión dun poema de Xela Arias
• Os traballos enviaranse ao correo eunfalar@gmail.com antes do 7 de maio.
• No asunto do correo terase que precisar a modalidade pola que se concursa.
• No corpo do correo o/a participante deberá indicar nome, apelidos, curso e grupo.
• O relato ou poema enviarase en arquivo.
• O vídeo enviarase nun formato que non pese demasiado. Animádevos! Moita sorte e longa vida ás Letras Galegas!💙📘