PREMIADOS E PREMIADAS NO CONCURSO DE SELOS EX-LIBRIS LETRAS GALEGAS 2022

A proposta de Roi González Carballo, de 4º de ESO, resultou gañadora🥇 do Concurso de Selos Ex-libris Letras Galegas 2022📚. Co seu deseño faremos uns selos de madeira para marcar os libros en lingua galega do noso centro, e un dos selos será para Roi como agasallo de premio :) Como tamén nos gustaron moito a proposta de ex-libris da Rosalía-manga, ideada por Marta Devesa, e a de Román Pereira Cuba, acordamos outorgarlles uns accésits e encargaremos adhesivos coas súas creacións. Parabéns, artistas!🖋🖊✎🖉

CINCO ANOS DESPOIS... BANDA DESEÑADA

 

Que foi dun grupo de amigas e amigos cinco anos despois da súa última xuntanza nunha pizzaría🍕? Os alumnos e alumnas de 4ºA e C fixeron estas xeniais bandas deseñadas a partir da proposta inicial. Con cal dos/das protagonistas vos sentides máis identificados/as?😌😛😶😏😉😁🤔

OUTRA RONDA DE VÍDEO-POEMAS!

Seguimos a gozar das propostas dos nosos alumnos e alumnas de recrear audivisualmente poemas dos nosos autores e autoras. Desta volta Sergio realiza unha lectura do poema "Anoitecer na terraza" de Xavier Seoane🌇 e Anne agasállanos cunha festiva versión do "Xan" de Rosalía de Castro acompañado pola música da cantante Uxía🥳

Que vos gusten!

 

POESÍA AUDIOVISUAL

Velaquí dúas mostras de vídeo-poemas🎥📸 realizados polos nosos alumnos e alumnas de 4º de ESO, inspirados nos versos de coñecidos poetas galegos. Fantástico o vídeo de Román baseado nos versos do poema "Terra Chá" de Manuel María; e fantástico o de Estela, que se inspirou no poema "Soa" de Antía Otero.👌👌👏👏👏

Gozádeos e contádenos que vos parecen, haberá máis, prometido!😀

 

 

 

OBRADOIRO DE PAPIROCONTOS NADAL 2021

Esta é a actividade conxunta que vos propoñemos o Departamento de Matemáticas e o EDLG para a Feira de Nadal o vindeiro 21 de decembro: o obradoiro de Papirocontos 💫 A fórmula é moi sinxela: creades unha figura de papiroflexia relacionada co Nadal🎄 (Beatriz, a experta no tema, axudaravos), a seguir escolledes dunha caixa unha palabra ao chou⌧ e co nome da figura que creastes e a palabra escollida escribides un microrrelato nun post-it!✎✎

Veredes que experiencia tan divertida e orixinal!👌

VISITADE A LIBRARÍA NÓS

 

Ide dar unha volta polo stand da Libraría Nós, alí aconsellaravos amábelmente Vicente Risco sobre calquera tema🎓 E non perdades a oportunidade de levar de agasallo🧧 un cartaz da Xeración Nós se mercades algún exemplar das obras de Castelao, que vos asinará encantado📖✍, como está a facer con Ramón Carballo, protagonista dunha das súas Cousas. Tamén saíron das Cousas para botar un ollo pola feira, a Marquesiña e Migueliño con seu pai.📚

Vai ser doado que vos topedes con don Ramón Otero Pedrayo de palique con algún fidalgo e a Ramón Cabanillas curioseando. Mesmo o Porco de Pé🎩🐷 comprou un libro!! Quen o pode crer!!

Este é o traballazo do alumnado de 4ºC🔝, que quixo mostrar a importancia do Grupo Nós e das Irmandades da Fala na nosa cultura. Parabéns a Noa, Roi, Román, Nerea e Mara polos debuxos🎨✎📔 e aos demais compañeiros e compañeiras polo traballo de documentación e de montaxe🔖📑📕📗📘📙✄!

Esta actividade está incluída no Proxecto EDUexcelencia no que participa o noso EDLG.

Visitade @leirantes, @irmandinhasdafala, @ramon_cabanillas_76 @seareiros.de.cabanillas.

QUE COUSA COUSIÑA É? ADIVIÑAS PARA O OUTONO

 

No tempo das castañas, a matanza, as cabazas, as follas no chan, defuntos...🐷🌰🍁🍃💀 os alumnas e alumnos de 2º de ESO A e C puxeron a traballar o maxín🤔💡 e crearon estas enxeñosas adiviñas. A ver se atinades que cousa é 

A PUCHA DE DON RAMÓN

 

Ramón Cabanillas, o Poeta da Raza, adáptase aos tempos que corren e ten dúas contas de Instagram de seu @ramon_cabanillas_76 e @ramonc1876 onde colga as súas publicacións literarias, entrevistas, reflexións, etc📖📘📙📗📺📻💭 e atende amablemente os seus seguidores e seguidoras, que son moitos, respondéndolles as preguntas sobre a súa vida, obra, o seu traballo nas Irmandades na Fala, os seus vínculos co Agrarismo... Mesmo os seus seareiros creáronlle unha conta @seareiros.de.cabanillas, que amosan tamén os seus traballos e aportan novidades sobre o poeta cambadés. Mesmo chía en Twitter🐥 en @cabanillasrmn! E séguenos en @leirantes!

Tradición e modernidade a un tempo. Parabéns ao alumnado de 4ºA e 4ºC polo seu traballo👏

EXPOSICIÓN DA CHACINERÍA "CELIDONIO". UNHA INTERPRETACIÓN PLÁSTICA DE "O PORCO DE PÉ"

 

O Grupo Nós dá para moito e ademais da exposición virtual De Nós a nós que visitamos hai unhas semanas, o alumnado de 4º de ESO C e D interpretou artisticamente a Don Celidonio, o protagonista de O porco de pé, novela máis célebre de Vicente Risco. Os alumnos e alumnas souberon interpretar moi ben a esencia do personaxe a partir da maxistral descrición caricaturesca que del fai Risco: a súa vulgaridade, o seu amor polos cartos, o seu físico porcino... 🐷💗💰 Védeo vós mesmos. 

Tan ben quedaron que decidimos montarlle unha chacinería para que faga negocio. Mentres, admirade o traballo dos nosos rapaces e rapazas no noso taboeiro.👌

 

Historias Lingüísticas 3

Historia lingüística de Paula Portela, Lucía Pasarín, Raúl Rodríguez, Emilio Vigo from IES Leiras Pulpeiro on Vimeo.



Historia lingüística de Alba Villamor, Alba Gómez, Brais Pereira, Christian Lens from IES Leiras Pulpeiro on Vimeo.



Historias lingüísticas de Kimberli Lamela, María Paula Parada, Daniel Coira from IES Leiras Pulpeiro on Vimeo.

Historias lingüísticas 2

Historias lingüísticas de Gloria GarcÍa, Claudia Rancaño, Alejandro Sánchez, Celia Somoza from eunfalar.blogaliza.org on Vimeo.

Os homes-lobos

Alba Valín, alumna de 3º de ESO realizou a seguinte presentación para a exposición oral realizada na clase de Lingua Galega.

[Homes lobo en galicia] from eunfalar