UN IANQUI NA TVG

Imaxe do perfil de Andy na súa conta de Instagram

Acabamos de coñecer a nova de que o noso amigo Andy Chichester, o mestre norteamericano galegofalante vai ser entrevistado na Televisión de Galicia o Día das Letras Galegas no programa Quen anda aí?📺 👏👏

Andy é o convidado perfecto para un día no que festexamos as nosa lingua (debera ser todo o ano) e homenaxeamos a Xela Arias. Cada vez son máis galegos e galegas que coñecen a Andy a través da súa canle de youtube Mira quen fala galego ou a súa conta de Instragram Chibarinclub e admiran o seu compromiso e amor cara ao galego. Todo un exemplo a seguir.

Estaremos pendentes de velo e de escoitalo👀👂. 

Parabéns, Andy, mándanos un saúdo aos teus amigos e amigas do Leiras Pulpeiro!!💙🙌🙌

 

GRAZAS, ANDY!

O noso xa amigo Andy tivo a xentileza de nos dedicar dous vídeos especiais para responder comentarios e consultas que alumnas e alumnos do noso centro lle fixeron nos outros vídeos da súa canle Mira quen fala galego. Pola nosa parte, o EDL tamén lle agradeceu a súa atención, tempo e amabilidade por responder a todo o mundo. Os rapaces e rapazas saudárono, déronlle os parabéns polo seu estupendo galego, interesáronse polo seu amor pola lingua e por Galiza e mesmo o retaron a acertar adiviñas ou a recoñecer expresións tan de noso. El di que aprende de nós pero somos realmente nós os que temos que aprender del. 

Algúns dos alumnos amosaron o seu desexo de realizaren unha vídeo-charla con Andy e el está máis que disposto👏👏 Xa nos poñeremos ao asunto... 

Grazas, Andy, sabemos que amas o verde de Galiza.☺💚

  

QUEN É ANDY?

É un mestre de Primaria dos Estados Unidos.... galegofalante😮😮 que ama a nosa lingua e a nosa cultura . Nos vídeos de abaixo cóntanos da súa vida, do seu traballo e tamén nos explica porque lle gusta tanto o noso idioma, a nosa terra, a nosa comida👅😋🌂 e como conseguiu falar así de ben o galego. Ten unha canle e podedes escribirlle, que vos responde encantado. 

De xente así cómpre que tomen exemplo moitas galegas e galegos que pensan que a nosa lingua serve de pouco👎😕   Ben polo Andreíño (=Andy)!!👏 ✊ 💚