DERRADEIRA VISITA A AFONSO X

Hoxe fixemos a derradeira visita na Capela de Santa María, da exposición Afonso X e Galicia. Ademais de coñecer mellor os vínculos do Rei Sabio con Galicia👑📖, o alumnado de 3ºD puido admirar e ver o proceso de fabricación  dos instrumentos medievais da man de Antonio, un dos maiores expertos no tema. Como sorpresa puidemos gozar dun mini-concerto de piano co que nos agasallou Uxío💙🎹🎶

VISITA DA EXPOSICIÓN "AFONSO X E GALICIA"

 

Os alumnos e alumnas de 3ºB participaron na visita guiada da exposición Afonso X e Galicia, na Capela de Santa María, acompañadas das profesoras Rosa e Juncal. Organizada polo Consello da Cultura Galega, os rapaces coñeceron máis polo miúdo os lazos do rei de Castela con Galicia.

AQUELA NENA DE SARRIA veunos visitar

Os días 19, 20 e 21 de maio tivemos a sorte de ter canda nós a exposición itinerante sobre Xela Arias, Aquela nena de Sarria. A mostra, composta por doce paneis, reflicte o tempo sarrián e lucense de Xela Arias, os seus vínculos con Sarria e o rural, o seu amor polo idioma galego e o empeño en que se recoñecese Xela como o seu nome real. Complétase con poemas dirixidos a Xela por alumnos e alumnas dos institutos sarriáns Xograr Afonso Gómez  e Gregorio Fernández, por poetas de Sarria, así como de compañeiras poetas galegas que seguen os camiños que Xela trazou, entre outras cousas máis. A exposición inclúe fotografías facilitadas pola familia de Xela e unha serie de debuxos da pintora lucense Sabela Arias, que conforman un especial complemento ás fotografías que foron o punto de partida da autorapara este traballo.

O noso alumnado coñeceu máis cousas sobre a poeta sarriá  visitando exposición e completando un cuestionario sobre a mesma.

Agradecemos á compañeira Esperanza 😙o seu papel de intermediaria para que Xeliña puidese visitarnos. Foi un pracer coñecela.