ÁRBORES E POESÍA NO XARDÍN DO LEIRAS PULPEIRO

Que sorte poder contar cun xardín cuxas árbores, arbustos e flores van acompañadas de versos dos nosos poetas galegos máis importantes! Fantástica iniciativa do IES Leiras Pulpeiro enmarcada no Programa Así Fai o Leiras, coordinado por María Cabo,  coa que colaborou o noso ENDL na procura dos poemas en galego dedicados ou que fan mención a árbores coma o carballo, a cerdeira, a nogueira, castiñeiro, etc🌾🌿🍀🍁🍂🍃🌺🌻🌼🌹🌸🌷🌱. Así mesmo para lle realizar unha nova homenaxe a Darío Xohán Cabana dedicándolle un carballo co seu nome. Varios compañeiros e compañeiras e antigos profesores do centro, leron poemas do autor durante o emotivo acto. Ademais de inaugurar as placas cos versos en diferentes linguas dedicadas a cada especie, tamén gozamos das explicacións do antigo profesor de Bioloxía do noso centro, Xosé Folgar, sobre cada especie plantada. Unha clase de luxo!👌👌

#maispoesiamenosguerra DÍA MUNDIAL DA POESÍA 2022

Hoxe é o Día Mundial da Poesía📜🖋 

Velaquí a nosa proposta: que vos inspira esta imaxe? 

Facede uns versos de xeito individual ou en grupo. Seguro que vos saen cousas ben bonitas! A soñar!🌼🌝

CONCURSO LITERARIO LETRAS GALEGAS 2021

O ano pasado o confinamento impediunos organizalo. Este ano non o imos permitir e convocamos o Concurso Literario Letras Galegas 2021 en tres modalidades: poesía, relato curto e vídeo-poemas. Os cartaces xa andan desde hai días polas aulas do centro e pola aula virtual, así a todo queremos precisar unha miguiña máis as bases:

• Poderase participar nos tres concursos á vez
• O tema proposto para o relato curto e o poema é "Viaxo ao futuro"
• A extensión máxima do relato serán 2 folios por unha soa cara.
• A extensión máxima do poema será até 24 versos.
• O vídeo terá que ser unha versión dun poema de Xela Arias
• Os traballos enviaranse ao correo eunfalar@gmail.com antes do 7 de maio.
• No asunto do correo terase que precisar a modalidade pola que se concursa.
• No corpo do correo o/a participante deberá indicar nome, apelidos, curso e grupo.
• O relato ou poema enviarase en arquivo.
• O vídeo enviarase nun formato que non pese demasiado. Animádevos! Moita sorte e longa vida ás Letras Galegas!💙📘

E SEGUIMOS DE FESTA CON ROSALÍA!

Cantando e bailando ao ritmo de Rosalía de Castro!!🙌🎉🎇 🎆Como se tería divertido véndoos! Velaquí tedes unhas cantas mostras do moito que dá de si a nosa poeta. É o que teñen as grandes, adáptanse a todo!👌 

Grazas, Rosalía (moi acaído o teu nome😄), Laura, Hugo, Charles, Estela, Ainoa,  Adrián, Cristian, Xabier, Antón, Sergio, Alejandro, Marta, Alexia e Gabriel! Todas e todos alumnos de 3º de ESO.  Vese que o pasastes en grande! Ímolo pasar agora nós.

                                            

                                           

ENTREGA DE PREMIOS DE POESÍA DE NADAL NA BIBLIOTECA PÚBLICA DE LUGO

Recitando o poema no
 Salón de Actos da Biblioteca

Tal como quedaramos acudimos á entrega dos Premios do Certame de Poesía de Nadal, que tivo lugar na Biblioteca Pública de Lugo. Alí Paula Núñez recibiu o seu merecido 3º premio - un diploma, un lote de libros, unha máscara e un marcapáxinas😊📚📜- e recitou o seu poema 🎤 Un Nadal diferente (moi atinado o título). 

Parabéns á gañadora e que as alumnas e alumnos do noso centro nos sigan alegrando cada ano conseguindo premios literarios.👍👍👍👍

Posando coa súa orgullosa profe

    

As rapazas e rapaces gañadores dos premios posando
na entrada da Biblioteca

XV Recital Poético. Carlos Casares e Castelao: creadores de historias

Un ano máis o EDL organizou o Recital Poético dedicado na presente edición a Carlos Casares e Castelao. Participou o alumnado de 3º e 4º de ESO, profesorado e persoal non docente.
Entregáronse os premios do XV Concurso Literario "Letras galegas Leiras Pulpeiro"
Podedes ver a reportaxe gráfica;
XV Recital Poético. Carlos Casares e Castelao: Creadores de historias on PhotoPeach

Rosalíate. Día de Rosalía

Alumnado do EDL de 2`ESO representa "Campanas de Bastabales" seguindo a campaña ROSALÍATE da Asociación de escritores en lingua galega


http://

Rosalíate. Alumnado do EDL de 2º ESO do IES Leiras Pulpeiro de Lugo from IES Leiras Pulpeiro on Vimeo.

Rosalía de Castro

Alumnado de 1º de BAC interpreta  poemas de Follas Novas. Coa voz, música e imaxes vivencian a Rosalía.

Negra sombra (Rosalía de Castro). Esther Pena Varela. Brais Vázquez Vázquez. Curso 2015-2016 from IES Leiras Pulpeiro on Vimeo.



Silencio (Rosalía de Castro). Esther Pena Varela. Brais Vázquez Vázquez. Curso 2015-2016 from IES Leiras Pulpeiro on Vimeo.



Pablo Villar da Silva from IES Leiras Pulpeiro on Vimeo.



Rubén Lorenzo Parga. Raúl Rodríguez Pérez from IES Leiras Pulpeiro on Vimeo.



Xan. Rosalía de Castro. Lucía Pasarín. Jennifer Núñez Rodríguez. Curso 2015-16 from IES Leiras Pulpeiro on Vimeo.



Agora cabelos negros. Rosalía de Castro. Celia Somoza Castro. Curso 2014-15 from IES Leiras Pulpeiro on Vimeo.



Silencio. Rosalía de Castro. Alejandro Sánchez Cela. Curso 2014-15 from IES Leiras Pulpeiro on Vimeo.



Adriana Ares Vila e Cristina Salvador Vázquez. Rosiña cal sol dourado de Rosalía de Castro from IES Leiras Pulpeiro on Vimeo.

Día das Letras Galegas 2013

O Día das Letras Galegas foi unha festa no instituto.

Entregamos os diferentes premios literarios mentres dúas compañeiras nos deleitaban cos sons da súas gaitas. Logo, sentámonos no chan e recitamos entre todos os marabillosos versos de Rosalía. Que ben o pasamos!

RecitandoCelsoemiliO. 12-12-12

O día 12 de decembro de 2012 o EDL do IES Leiras Pulpeiro de Lugo sumouse á convotoria da Coordinadora dos ENDL RecitandoCelsoemiliO. Alumnos e alumnas de 1º,2º e 4º de ESO recitaron o poema "Deitado frente ao mar"



Recitado 12-12-12 from IES Leiras Pulpeiro on Vimeo.

Día de Rosalía

O Equipo de Dinamización da Lingua Galega sumouse á celebración do día de Rosalía no 176 aniversario do seu nacemento.

Música: Alborada de Rosalía (Carlos Núñez)
(canta Fernanda Cabral )

Fotos do Recital no Día da Paz e da non Violencia

O 30 de xaneiro celebramos no IES Leiras Pulpeiro o Día da Paz e da Non Violencia. Velaquí deixamos unhas imaxes dos recitadores, acompanadas dunha das músicas coas que desfrutamos ese momento tan especial:

XI Recital Poético: Leiras Pulpeiro

Un ano máis o EDL organiza o recital poético no que, con acompañamento de música e de imaxes, o alumnado de 3º e 4º de ESO xunto co profesores e profesoras poñenos voz a textos poéticos.

Mil voces para Celso Emilio Ferreiro

A Radio  Cadena Ser de Lugo quixo render homenaxe ó escritor Celso Emilio Ferreiro no centenario do seu nacemento.  A homenaxe pretendía que a cidadanía puxese voz ós textos do poeta e  difundir estas gravacións a través das ondas durante o ano 2012.

O noso  cento sumouse a esta  ilusionante iniciativa cun grupo de alumnado, membro do Equipo de Dinamización Lingüística, e profesoras do Departamento de Lingua e Literatura Galegas,  Simón Cuba, Nerea Santos, José López, José Ángel Núñez, Lucía Cabado, Laura García, Sabela Brand, Joel Cobas e as profesoras Juncal Martínez, Mª Xosefa Senín, Cristina Soto e Dolores Varela que leron poemas de Celso Emilio seleccionados e traballados previamente.

Alegrámonos de que xurdan  este tipo de   iniciativas  fóra do ámbito académico e procuaremos sumarmos e contribuír a todo o que supoña a difusión das nosa letras e cultura.

Mil voces para Celso Emilio Ferreiro from eunfalar