COMEZAMOS!

Siii, comezamos a nosa andaina dinamizadora cunha actividade especialmente atractiva, dirixida aos alumnos e alumnas de 1º de ESO, que teñen a sorte de ler este curso O misterio de Portomarín. 📖

Sabiades que en Portomarín existe unha cidade asolagada que agocha terribles segredos? Non podemos seguir contando...

A súa autora, a burelá Antía Yáñez, vainos visitar ao centro o 17 de decembro, para nos falar da súa novela e poderedes  charlar con ela e preguntarlle cantas cousas queirades sobre a cidade misteriosa. Quen sabe? Se cadra algún de vós se anima a escribir novelas de misterio en lingua galega...📝

Máis rapaces e rapazas da vosa idade animáronse a ler O misterio de Portomarín e encantoulles, é o caso de Sara Sabir.