MÁIS SOBRE A XERACIÓN NÓS

Co gallo do 100 aniversario da creación da revista Nós, son varias as actividades organizadas arredor desta xeración de intelectuais e galeguistas cuxo labor segue a ser a día de hoxe unha referencia na dinamización e normalización do noso idioma. 

Nesta nova actividade, que tivo lugar o pasado xoves 4 de febreiro no Salón de Actos, a profesora, sociolingüista e escritora Pilar García Negro, impartiu para o alumnado de 4º de ESO A e B  unha conferencia virtual na que falou sobre o papel tan importante que desempeñaron os persoeiros integrantes de Nós para a lingua e a cultura galegas.