Nova edición de LINGUA DE NAMORAR

Aproveitando que o Mes do Amor na biblioteca 💘💕 está a piques de rematar, propoñémosvos outra cousa:  presentarvos á nova edición do certame en liña de mensaxes de amor Lingua de Namorar 2019, organizado pola Dirección Xeral de Xuventude, Participación e Voluntariado e a Secretaría Xeral de Política Lingüística.

Está dirixido a todos os mozos e mozas de 14 a 35 anos e é moi doado participar: soamente tedes que cubrir e enviar este formulario e escribir ata dúas mensaxes de amor nun máximo de 350 caracteres.  Non digades que é complicado!...

Premendo nesta ligazón poderedes ver os premios establecidos por categorías
Tedes de prazo até o 28 de febreiro. A partires do  18 de marzo xa se poderán consultar as mensaxes gañadoras.

Seguro que se vos ocorren fermosas frases de amor!💗💕💔💞

Para máis información premede en bases.