RECENSIÓN LITERARIA DE "O CLUB DA CALCETA"

.... ao cargo da booktuber Rosalía Bernárdez Riopedre, alumna de 1º de BAC, que fai unha fonda análise  da novela de María Reimóndez. Bravo!📙 

A NOSA LINGUA EN FORMA COAS PILULEIRAS!

 

Non perdades os vídeos feitos polo alumnado de Oratoria de 3º de ESO para promocionar as nosas Piluleiras! Grazas, Marta, Luna, Isabela, Amina, Rubén e Nerea💚💛

BO COMEZO DE CURSO 2022-2023

 

Saúdos dinamizadores e moita forza nestes primeiros días. Seguiremos realizando actividades e poñéndovos ao día delas a través do blog e da nosa  conta @leirantes😊, especialmente desta última!

Lembrade que podedes colaborar co ENDL quen queirades, xa somos unha familia ben grande que acollemos cos brazos abertos a todas e todos os que amades a nosa lingua.

Posoloxía: 1 piluleira ao día!💊

EXPOSICIÓN DOS #RELATOSDOMEUBARRIO

 

Así de ben quedaron os relatos do barrio do alumnado de 3ºD. Este proxecto formaba parte de #EduExcelencia e cada relato vai acompañado dunha fotografía📷✍ que o inspirou.

Un fantástico traballo coordinado pola compañeira Rosa, que vos convidamos a que leades!👏👏👏

Boas vacacións e bo verán a todas e todos!🌞👋👋

 

MANUEL MARÍA E A SÚA CONTORNA

Nunha actividade conxunta co  Departamento de Bioloxía e Xeoloxía, o alumnado dos catro grupos de 1º de ESO visitou Outeiro de Rei. O punto de partida foi a igrexa de Santa Isabel e o percorrido transcorreu pola contorna tan querida por Manuel María: a carballeira, as Insuas, o muíño... para chegar finalmente á Casa-Museo do poeta. e continuar coa visita guiada. Natureza e literatura, sempre unidas 🍃💚📗

ENTREGA DE PREMIOS DO CONCURSO LETRAS GALEGAS 2022.

Este mesmo día, tamén na Biblioteca, realizamos a entrega dos premios do Concurso Letras Galegas 2022 nas modalidades de poesía, narrativa e deseño de selo ex´-libris. 

Parabéns aos premiados e premiadas e a todos e todas cantos participastes! 💙🤍

HOMENAXE A FLORENCIO DELGADO GURRIARÁN

O alumnado de 3º de ESO rendeu homenaxe a Florencio Delgado Gurriarán cun recitado dos seus poemas, todo coordinado pola súa profesora Juncal. Fermosa maneira de rematar o curso, con poesía😀

FESTA FINAL DE #ENREDANDOCOGALEGO

Rematamos unha nova edición da actividade #enredandocogalego por todo o alto no Auditorio Gustavo Freire, onde os nosos alumnos e as nosas alumnas foron agasallados🎁🎁 polo seu labor nesas 3 semanas, ademais de participaren nun sorteo de libros 📚e dunha i-pad (parabéns aos afortunados/as😀).

 Ademais destes agasallos parte do alumnado que participou con creacións literarias foi recoñecido e agasallado pola AELG. E como concerto-sorpresa tivemos a SES🔥🔥🔥, toda unha sorte!!

Grazas polo voso traballo en #enredando!🤍💙 Vémonos na vindeira edición!👋👋

ENCONTRO DE NOVAS VOCES

Un grupiño de alumnas e alumnos do noso IES, con moito amor á literatura e á escritura, tiveron a sorte de ser convidados ao Encontro de Novas Voces, organizado pola AELG, que tivo lugar no Vello Cárcere. Na sesión da mañá aprenderon de Xesús Fraga, Premio Nacional de Narrativa. Pola tarde, man a a man coa poeta Yolanda Castaño. Todo un luxo contar con mestres desa categoría! Quen sabe? Talvez nuns anos son elas/eles quen impartan esas charlas...

#RELATOSDOMEUBARRIO

Este é o nome do proxecto coordinado por Rosa Varela, no que o alumnado ten que fotografar 📷📸un recuncho do seu barrio🏗🏘🌇🏡🏞 e crear un microrrelato inspirado na imaxe.  Hai moito material inspirador.... Ollade que cousas tan interesantes foron chegando. Xa nos tarda ver a exposición!

EX-LIBRIS DAS LETRAS GALEGAS, IDEAIS

 

Grazas a Roi, Moshi e Román os nosos libros son aínda máis fermosos!!💚💚💚📚 

PREMIADAS E PREMIADOS NO CONCURSO LITERARIO LETRAS GALEGAS 2022

Coma sempre é para nós un pracer comunicarvos as gañadoras e gañadores do Concurso Literario Letras Galegas 2022! 🏅🥉🥈🥇

NARRATIVA 1º CICLO ESO

1º Premio. Aitana Sofía Sastre Pineda

2º Premio: Darío Icardo Carballo.

POESÍA 1º CICLO ESO

1º Premio. Sophia Duarte Rodríguez

2º Premio. Hiba Rochdi

Accésit. Ashley Polanco Canario.

NARRATIVA 2º CICLO ESO

1º Premio. Rosalía Bernárdez Riopedre.

2º Premio. Martín Penas Rodríguez

Accésit. Noa Rodríguez Carballeira.

A entrega dos premios do Concurso Literario e do Concurso de Deseño de Selos ex-libris terá lugar o venres 17 de xuño á hora do recreo na Biblioteca.

Parabéns aos gañadores e gañadoras e grazas a todos/as os/as participantes!!!💙

PREMIADOS E PREMIADAS NO CONCURSO DE SELOS EX-LIBRIS LETRAS GALEGAS 2022

A proposta de Roi González Carballo, de 4º de ESO, resultou gañadora🥇 do Concurso de Selos Ex-libris Letras Galegas 2022📚. Co seu deseño faremos uns selos de madeira para marcar os libros en lingua galega do noso centro, e un dos selos será para Roi como agasallo de premio :) Como tamén nos gustaron moito a proposta de ex-libris da Rosalía-manga, ideada por Marta Devesa, e a de Román Pereira Cuba, acordamos outorgarlles uns accésits e encargaremos adhesivos coas súas creacións. Parabéns, artistas!🖋🖊✎🖉

CANTO SABES DE FLORENCIO DELGADO GURRIARÁN?

É a pregunta que vos plantea A Profa neste cuestionario. Seguro que aprendedes máis sobre el e vos divertides.

FELIZ DÍA DAS LETRAS GALEGAS 2022

 

Grazas á cortesía do alumno de 4º de ESO, Samuel Rey Rozas, que nos fixo este estupendo retrato de Florencio Delgado Gurriarán, temos unha entrada ideal para vos desexar un Feliz Día das Letras Galegas 2022🤍💙🤍. Aproveitamos para vos mostrar unha faceta do autor de Valdeorras que se cadra non coñeciades: creador de adiviñas.🤔❓❔

Ollade estas que fixo a proposta do autor de ¿Que cousa e cousa? Libro das adiviñas.

FINAL DOS PREMIOS DE VIDEOPOEMAS NA CASA-MUSEO DE MANUEL MARÍA

 

Este sábado tivo lugar na Casa-Museo Manuel María a final da V Edición do Concurso de videopoemas sobre composicións poéticas de Manuel María e Rosalía de Castro. O vídeo do alumno de 4º de ESO, Román Pereira Cuba, foi un dos 10 finalistas dos 80 vídeos presentados. Non resultou gañador mais coidamos que o seu vídeo, baseado no poema "Terra Chá" de Manuel María, é fantástico. Parabéns, Román!!👏👏👏

OS MAIOS NA RADIO LEIRAS

Así de ben o pasaron as locutoras e locutores de 2º de ESO B presentando un Venres Musical dedicado ao mes de maio🌷🌸🌹🌺🌻. Andrea, Rubén, Virxinia, Amina, Nour, Iria e Amina agasallaron os nosos oídos con fermosas cancións galegas sobre o maio como "Avelaneiras", "Maio Maduro Maio", "O maio", "Ben vennas" e "Maio longo". Unha proposta xenial para comezar con bo pé a ponte das Letras Galegas!🤍💙🤍

CONCURSOS LETRAS GALEGAS 2022

 

Como cada ano convocamos o Concurso Literario das Letras Galegas. Hai dúas modalidades: relato curto e poesía e o tema, inspiráronnos estes días, "O meu verán". Que vos parece?
Os premios serán outorgados por ciclos educativos:
- 1° ciclo de ESO. 1° e 2° premio por cada modalidade.
-2° ciclo de ESO. 1° e 2° premio por cada modalidade.
-Bacharelato. 1 premio.
Se os/as integrantes do xurado o consideran, entregaranse tamén accésits:  Sempre acabamos concedendo algúns

Tedes que enviar os vosos traballos en arquivo a este enderezo electrónico co voso nome e curso: eunfalar@gmail.com. No asunto poñedes "Concurso 2022"

A data límite para enviardes as vosas creacións é o 23 de maio.

Animádevos a nos falar do voso verán!

E para os/as artistas🎨 propoñémosvos deseñar un selo para decorar o libros en lingua galega do noso centro. Soamente ten que aparecer como texto: Letras Galegas IES Leiras Pulpeiro. O motivo tería que estar relacionado coa escritura e a literatura. Seguro que se vos ocorren ideas xeniais! 

Haberá un único premio para o autor o autora do selo elixido e tamé accésits se o xurado considera que hai máis traballos de calidade (non o dubidamos⌣..)

Encargaremos selos do deseño gañador e un deles irá para o seu autor ou autora. 

Xa estades tardando!☝

ACTIVIDADE "POESÍA E XARDÍN"

Trala inauguración  a semana pasada do renovado Xardín do Leiras, decidimos tirar proveito das placas indicadoras de cada árbore, arbusto e flor, para organizar a actividade Poesía no Xardín, na que o alumnado ten que cubrir un cuestionario sobre os fragmentos dos poemas e os seus autores/as que aparecen nas placas. Aire libre☀, natureza🍂🍃🌹🌸🌷🌳🌲, actividade física🏃, literatura🔖... Que más podemos pedir?☺☺ A rapazada estao a pasar en grande!